मंसिरमा प्रेम !

मंसिरले धेरैलाई लगनगाँठोमा बाँध्छ, जीवनभरीका लागि । यहिँ मंसिरले धेरैका सम्बन्ध जोड्छ । त्यसैले मंसिरमा जीवनको सहयात्री भेट्टाउनेहरु यो महिनालाई जुराउने र जुटाउने महिना मान्छन् । जो यै महिनाका विशेष दिनमा मायाको या भनौं जीवनको सुन्दर बन्धनमा बाँधिन्छन् तिनले त्यो विशेष दिनलाई सधै सम्झिरहेका पाइन्छन् ।

यै मंसिरले धेरैका प्रेमरुपी साथहरु सदा सदाका लागि तोडिदिन्छ । कतिपय युवा युवतीले जुनी-जुनी साथ रहने कसम खाएका प्रेमीप्रेमीकाको दिल तोडेर घरपरिवारको दवाबमा बिहे गर्न बाध्य हुन्छन् । अनि शरीर एकातिर र मन अर्कैतिर बाँडेर जीवन गुर्जान पुग्छन् ।

यहाँ यस्तै एक दृश्यको चित्रण गरिएको छ, गजलमार्फत । एउटा प्रेमीले आफ्नी मायालुलाई विदाई स्वरुप केही भन्छ ।

श्री सुरेन्द्रको गजल

लगन जुरी सक्यो, बिहेको सुरसार हुनेछ !
जति रोउ तिमी अब, उस्लाई हतार हुनेछ !

जीवनभरी साथ दिने, साथी मिलोस तिमीलाई,
दैव संग संधै मेरो, बिन्ती पुकार हुनेछ !

भुली दिनु मलाई, नयाँ संसार सजाउनु,
मेरो लागी यो नै, तिम्रो उपहार हुनेछ !

भेट्ने कुरा नगर, देख्नै पाउने छैनौ,
हाम्रो बिचमा समाज, अब दिवार हुनेछ !

नकोट्याउ अतितलाई, न तड्पाउ अभागीलाई,
तिम्रो याद नै मुटू रेट्ने तरवार हुनेछ !

First Published in : http://himalayamail.com/sahitya/205

लगन जुरी सक्यो, बिहेको सुरसार हुनेछ !
जति रोउ तिमी अब, उस्लाई हतार हुनेछ !

जीवनभरी साथ दिने, साथी मिलोस तिमीलाई,
दैव संग संधै मेरो, बिन्ती पुकार हुनेछ !

भुली दिनु मलाई, नयाँ संसार सजाउनु,
मेरो लागी यो नै, तिम्रो उपहार हुनेछ !

भेट्ने कुरा नगर, देख्नै पाउने छैनौ,
हाम्रो बिचमा समाज, अब दिवार हुनेछ !

नकोट्याउ अतितलाई, न तड्पाउ अभागीलाई,
तिम्रो याद नै मुटू रेट्ने तरवार हुनेछ ! - See more at: http://himalayamail.com/sahitya/205#sthash.yVtYdoc8.dpuf